Robot

Pak de mlaku mlaku karo bekas pacare  neng Ginza,Tokyo, Jepang. Wis jam 2 awan durung mangan, mesti ngelih tenan.

    “Buk ngelih rak ?”, jare pak de
    “I yo to yo, wetengku wis keroncongan”
    “Wah nak ono restoran padang mesti uenak iki”
    “Iyo mesti cepet, rak perlu kudu pesen barang”
    “Wah, kae ono restoran sing nyugohke robot”
    “Ho o yo, nak robot mesti nyugohkene cepet”
    Pak de lungguh adep adepan karo bekas pacarre..
    Robot teko nyedakki pak de, trus ngomong :
    “What is your nationality?”, robot takon.
    “Indonesia” jare pak de.
    “Selamat datang”, jare robot nganggo  bahasa Indonesia.
    “Apa bahasa suku Anda?”, robot takon meneh.
    “Jawa”, jare pak de
    “Sugeng siang. Badé pesen nopo?” Jare robot nganggo boso jowo.
    "Canggih ya buk", pak de ngomong karo bekas pacare.
    “Ono lotek?”, ibune takon karo  robot.
    “Ono”
    “Pesen rong porsi”
    “Porsi gede opo cilik?
    “Porsi gede”
    “Lombok e piro ?”
    “Sing siji loro, sing siji sepuluh”
    “Nganggo kangkung?”
    “Yo”
    “Nganggo timun?”
    “Yo”
    “Nganggo kol?”
    “Yo”
    “Nganggo kol cino opo kol asli jepang ?”
    “Sing endi wae lah manut ”, pak de wis rodo nesu.
    “Kacange meh di uleg opo di blender ?”
    “Kuarepmu  !”
    “Kacange  setengah mateng opo mateng?”
    “Goréng sing gareng!”
    “Nganggo bawang goreng rak ?”
    “Nganggo asu !” Pak de misuh banter banget.
    “Meh dipiring opo dipincuk ?”
    “Dipiring  !”
    “Lengone nganggo margarin opo minyak kelapa ?”
    “Jalantah wedus!! !” Nesu banget soale wis sepuluh menit dewe..
    Robot meneng, lampune byar pet ketap ketip koyone baru di proses.
    Kiro-kiro telung menitan  robot té ngomong meneh :
    “Maturnuwun. Pesenan tak tompo. Mung rak iso di sugohke”
    “Nopo ? Aku wis ngenteni suwe banget, tanya-jawab karo koe , kok rak iso nopo ?”
    “Soale durung ono asu ne karo jelantah weduse ………..”
    “Iso edan aku  ! Yo Mah lungo, rak usah nguntal kene  !!!”

Related Posts